Búgin Qyrǵyzstan astanasy Bishkek qalasynda qyrǵyz eline tanymal, oppazısıalyq quqyq qorǵaýshy Ondýrýsh Toktonasyrov Qyrǵyz Joǵarǵy keńesi ǵımaratynyń aldynda Belarýs Prezıdenti Aleksendr Lýkashenkonyń foto sýretinen japsyrylǵan  qýyrshaq qaraqshyny órtegen. Bul týraly "Qamshy" portaly "Azattyqtyń" qyrǵyz qyzmetine silteme jasaı otyryp habarlaıdy.

Qyrǵyzstannyń belgili oppazısıoneri,  quqyq qorǵaýshy Toktonasyrov buǵan deıin de birneshe márte, Bishkektegi Belarýs elshiligi ǵımaraty aldynda  narazylyq aksıalaryn uıymdastyrǵan. Ol bul áreketi arqyly Mınskiden Qyrǵyzstannyń burynǵy Prezıdenti, saıası quǵyndaǵy Qurmanbek Bakıevti ekstradısıaálaýdy talap etken.

Esterińizde bolsa, Qurmanbek Bakıev 2010 jyldyń kókteminde qyrǵyz eli jappaı  narazylyq tanytyp, sherýge shyqqan kezde Belarýsıaǵa qashyp ketken bolatyn. Al Qyrǵyzstanda beıbit sherýge shyqqandarǵa qarsy oq atýǵa buıryq bergeni úshin Bakıevke qatysty syrttaı úkim shyǵarylyp, ómir boıyna bas bostandyǵynan aıyrý týraly sheshim kúshine engen bolatyn.

Nurzat Toǵjan